Skíðaferð 9. bekkur
9 . bekkur fer í skíða og brettaferð í Bláfjöll 8. – 9. mars.
Skíða-/brettaferð í Bláfjöll 8. – 9. mars
Farið verður í Skíða- og brettaferð 9. bekkja dagana 8. – 9. mars.
Gist verður í Breiðabliksskála og Hengilskála, ÍR og Víkings.
Fyrir svona ferð er að mörgu að hyggja.
Skráning í ferðina hefst í dag og stendur til 11. febrúar. Greiða þarf ferðina við skráningu.
Ekki verður hægt að skrá sig eftir 11. febrúar.
Ferðin kostar 12.500 kr. og er greidd með korti á viðburðavefnum okkar. felagsmidstod.gardabaer.is
(nánari leiðbeiningar um skráningu eru aftast í skjalinu).
Mæting við Garðaskóla er kl. 10:00 miðvikudaginn 8. mars - leggjum af stað 10:30.
Farið er í skálana og farangri komið fyrir, að því loknu er hægt að halda í fjallið.
Skíðalyftur
Allir fá afhent skíðakort/lyftukort sem þarf að passa vel upp á. Kortunum á að skila til fararstjóra að lokinni ferð, ef það er ekki gert þarf að greiða 1.000 kr. fyrir týnt kort.
Leiga á búnaði
Það kostar 4.290 kr. að leigja búnað fyrir báða dagana. Greitt er fyrir búnaðinn í skíðaleigunni eftir að farangri hefur verið komið fyrir inni í skála en mikilvægt að taka fram í athugasemdum þegar ferðin er keypt hvort leigja eigi Skíði eða Bretti til að við sjáum hversu margir ætla leigja.
Við mælum með því að nemendur reyni útvega sér búnaði á eigin vegum, ef það er möguleiki. Því það er ekki öruggt að úrvalið sé mikið í Bláfjallaleigunni þessa daga.
Mikilvægt er að taka fram við skráningu hvort það eigi að leigja búnað eða ekki.
Hjálmar eru lánaðir án kostnaðar í Bláfjöllum en eins og með skíðaútbúnaðinn þá er takmarkað magn af hjálmum á staðnum.
Þar sem það fer enginn í fjallið án þess að hafa hjálm, mælum við með því að nemendur útvegi sér skíðahjálm fyrir ferðina.
Áætluð heimkoma er kl. 18:00 fimmtudaginn 9. mars. Lagt er af stað frá Bláfjöllum um 17:15
Áður en farið er heim ganga ungmennin frá skálunum, sjá um að þrífa og skila skálanum frá sér í sama standi og komið var að þeim.
Matarmál
Borðið morgunmat áður en þið leggið af stað. Hafið með ykkur gott og hollt nesti yfir daginn.
Innifalið í ferðinni er kvöldmatur á miðvikudeginum, morgunmatur og hádegismatur á fimmtudeginum. Annað nesti þurfið þið að koma með sjálf.
Orkudrykkir eru bannaðir.
Reglur og viðurlög við broti á reglum
Í öllum ferðum og viðburðum á vegum Garðalundar og Garðaskóla gilda almennar skólareglur og reglur félagsmiðstöðvarinnar. Ef upp koma alvarleg brot svo sem ofbeldi, skemmdaverk, drykkja, notkun nikótíns eða notkun annarra vímu- og/eða ávanabindandi efna verður viðkomandi sendur heim á kostnað foreldris.
Nánar má lesa um reglur og viðurlög við brotum á þeim á heimasíðu Garðalundar. https://www.gardalundur.is/reglur
Það sem þarf að hafa með sér í skíðaferðina og annað sem er mikilvægt að hafa í huga.
Reynið að takmarka farangur eins og hægt er. Pláss í rútunum er ekki mikið.
Miðað er við að allir séu með skíðaútbúnað og svo eina stóra íþróttatösku EÐA litla ferðatösku fyrir föt og dót.
SKÍÐADÓTIÐ ER SETT EFST Í TÖSKUNA!!
Farangur:
● Svefnpoki, koddi og lak (Ekki taka sæng, það tekur of mikið pláss í rútunni)
● Tannbursti, tannkrem og aðrar nauðsynlegar snyrtivörur eins og svitalyktar eyðir
● Skíða/bretta-græjur
● Hjálmur (skylda)
● Skíðaföt (muna eftir ullar-undirlaginu, mikilvægt svo manni verði ekki kalt)
● Skíðagleraugu
● Þægileg kósýföt til að vera í um kvöldið eftir allan skíðahasarinn
● Nærföt og sokka til skiptanna
● Náttföt
● Inniskór → Í skálunum er skylda að fara úr skónum og því gæti mörgum fundist gott að hafa með sér inniskó eða góða þykka sokka
● Bakpoki / til að hafa í rútunni og fjallinu
Aukahlutir sem er gott að hafa með sér
● Hleðslutæki
● Hleðslubanka
● Heyrnatól