Félagsmiðstöðin Garðalundur.

Garðalundur er félagsmiðstöð staðsett í Garðaskóla, þar sem unglingar á aldrinum 13-16 ára geta varið frítíma sínum í öruggu umhverfi. Garðalundur vinnur út frá jafnréttishugsjónum og stuðlar að tilfinninga- og félagsþroska ungmenna í gegnum tómstundir.

Opnunartími Garðalundar

Á skólatíma er að öllu jöfnu hægt að slappa af í Garðalundi milli tíma, í eyðum og matmálstímum. Opnanir eru samt sem áður háðar viðveru starfsmanna og getur verið breytilegur sökum anna.

Opið Hús

Á opnum húsum er opið í tæki og tól Garðalundar svo sem billiard, borðtennis, pílu, fótboltaspil, og leikjatölvur. Á flestum kvöldum stendur starfsfólk Garðalundar og félagsmálaval Garðaskóla sem er valáfangi í boði félagsmiðstöðvarinnar upp á dagskrá sem ungmennin sníða sjálf og stýra.

Opin hús eru alla mánudaga, miðvikudaga og föstudaga frá klukkan 19:00 - 22:00

Stærri viðburðir

Stærri viðburðir eru þó nokkrir yfir árið en þar má nefna, dansskeppni, söngkeppni, skíðaferðir, draugahús, stíll (hönnunarkeppni), árshátíð böll og vorferðir. Þessir viðburðir eru ávallt vel sóttir og eru unnir í samstarfi af félagsmálavalinu, starfsmönnum Garðalundar og Garðaskóla. 

Klúbbastarf

Yfir veturinn bjóðum við upp á klúbbastarfi. Markmið klúbba er að bjóða upp á fjölbreytt val fyrir unglinga af skipulögðu tómstundastarfi í öruggu umhverfi. Starfið einkennist af því að unnið er með ákveðin áhugamál eða þemu. Klúbbastarfið er alla þriðjudag og fimmtudaga frá kl: 19:00 til 22:00. Þeir klúbbar sem eru í boði núna eru: dungeons and dragons, leiklist, larp, rafíþróttir, borðspil. Svo tökum við vel á mót hugmyndum að klúbbum. 

Hópastarf

Hópastarf er í boði fyrir ákveðna hópa. Þar eru viðfangsefnin valin út frá hópnum og er þá oft verið að velja einstaklinga í hópastarf til að vinna með félagsfærni, einangrun eða samskipta- og hegðunarvanda. Við hvetjum foreldra til að vera í sambandi ef þeir telja að hópastarf gæti verið fyrir sitt barn en annars eru hóparnir unnir í samstarfi við skólann.