Skíðaferð 10. bekkur

10 . bekkur fer í skíða og brettaferð til Akureyrar 10. – 13. mars.

Flestir eru nú að verða búnir að staðfesta sig í ferðina með því að fylla út upplýsingaskjalið okkar og greiða fyrir ferðina. Það er mjög mikilvægt að allir klári þessa hluti í síðasta lagi 2. mars en þau sem hafa ekki lokið skráningu þá hafa sjálfkrafa sagt sig úr ferðinni. Hér koma helstu dagsetningar fram að ferð.

1. mars

Mánudaginn 1. mars lýkur fjáröflun og allir þurfa skila inn pöntunum til Garðalundar

2. mars

Síðasti séns til að staðfesta skráningu og tryggja sér sæti í skíðaferðina. Greiða þarf greiðsluseðil og fylla út upplýsingaskjalið (Ýtið hér). Þau sem klára þetta ekki 2. mars gætu lent í því að komast ekki með.

5. mars

Þau sem tóku þátt í fjáröflun koma í Garðalund og sækja pappírinn sem þeir seldu milli kl. 16:00 og 22:00

8. mars

Kynningarfundur kl 20:30. Skyldumæting fyrir alla sem ætla í ferðina. Hér verður farið yfir mikilvægar upplýsingar um ferðina sem allir þurfa að hafa á hreinu.

10. mars

Mæting í Garðaskóla kl 06:30 og lagt af stað kl. 07:00

13. mars

Heimkoma fer eftir aðstæðum fyrir norðan. Við stefnum á að skíða til 13:00 á laugardeginum en ef færðin hefur verið slæm dagana á undan og verður svo góð á laugardeginum gæti heimför tafist.

Innifalið í ferðinni er kvöldmatur 10. mars. Morgun, hádegis, og kvöldmatur 11 og 12. mars og morgunmatur 13. mars. Ungmennin geta farið í búð á kvöldin til að ná sér í nasl á milli mála en nestissalan í fjallinu er því miður lokuð eins og staðan er í dag. Einnig er innifalið skíðapassi í fjallið og rútuferðir til og frá fjallinu þegar komið er á Akureyri.

Þau ungmenni sem er að leigja búnað greiða það þegar þau sækja sér búnað í fjallinu í fyrsta sinn.


Það sem þarf að hafa með sér í skíðaferðina og annað sem er mikilvægt að hafa í huga.

Reynið að takmarka farangur eins og hægt er. Við höfum ekki endalaust pláss í rútunum. Miðað er við að hver sé með skíðaútbúnað og svo eina stóra íþróttatösku eða litla ferðatösku fyrir föt.

SKÍÐADÓTIÐ ER SETT EFST Í TÖSKUNA!!

Farangur:

● Svefnpoki, koddi og lak (má koma með sæng líka en henni þarf að pakka vel þannig hún taki sem minnst pláss en við mælum með svefnpoka)

● Tannbursti, tannkrem og aðrar nauðsynlegar snyrtivörur eins og svitalyktareyði

● Sundföt og handklæði (ekki gleyma að hafa sundfötin í sundpoka/tösku - nýtist vel líka síðasta daginn að hafa föt til skiptana fyrir heimferðina)

● Skíða/bretta-græjur

● Hjálmur (skylda)

● Skíðaföt (muna eftir undirlaginu, mikilvægt svo manni verði ekki kalt)

● Skíðagleraugu

● Þægileg kósýföt á kvöldin eftir allan skíðahasarinn

● Nærföt og sokka til skiptanna

● Náttföt

● Pening fyrir nesti í fjallið og öðru sem þið þurfið (þið fáið morgunmat, hádegismat (á fim og fös) og kvöldmat en annað þurfið þið sjálf að sjá um)

● Inniskór → Í KA heimilinu er skylda að fara úr skónum og setja í hillur og því gæti mörgum fundist gott að hafa með sér inniskó eða góða þykka sokka

● Bakpoki / til að hafa í rútunni og fjallinu

Aukahlutir sem er gott að hafa með sér

● Hleðslutæki

● Hleðslubanka

● Heyrnatól

Mæting klukkan 06:30 miðvikudaginn 10. mars - leggjum af stað 07:00

(fara snemma að sofa, erfitt að byrja ferðina þreyttur).

Það fer eftir veðri hvenær við komum heim laugardaginn 13.mars.

Borðið morgunmat áður en þið leggið af stað. Hafið með ykkur nesti í rútuna en við stoppum einnig stutt í Staðarskála og þá er hægt að kaupa sér eitthvað smá.